“Maarif” qəzeti və “Maarif” jurnalının təsisçisi Ələddin Qarabağılı qaz sızması nəticəsində baş verən güclü partlayışda ağır yanıq xəsarətləri alıb.

Missiya.Az Regionpress.ge-yə istinadən xəbər verir ki, bu barədə jurnalistin oğlu Elməddin Qarabağlı məlumat yayıb.

Onun sözlərinə görə, günorta saatlarında qaz sızması nəticəsində güclü partlayış baş verib.

“Günün səhər saatlarında atam kənddə hüzr yeri olduğuna görə mərasim yerində idi, daha sonra ofisə gəlib işığı yandıran zaman partlayış baş verib. Ekspertlər qaz sızmasının nə səbəbdən baş verdiyini araşdırırlar ”- deyə Elməddin Qarabağlı bildirib.

Xəstə ciddi yanıq xəsarətləri aldığı üçün hal-hazırda vəziyyəti ağırdır,hadisə ilə bağılı əlavə məlumatları ictimaiyyətlə paylaşılacaq.