“İsrail Yaxın Şərqdə sülhdə maraqlıdır, regionda sabitlik naminə İranı dayandırmağa çağırırıq”.

Missiya.Az “TASS”a istinadən xəbər verir ki, bunu İsrail prezidenti İsaak Hersoq Avropa ölkələrinin səfirlərinin etimadnaməsini Qüdsdə qəbul edərkən deyib.

"Biz Tehrandan gələn şər imperiyası ilə qarşılaşırıq və buna görə də mübarizə aparırıq. Biz cənubda Holokostdan sonra israillilərin və yəhudilərin ən dəhşətli qətliamının birinci ildönümünü qeyd edirik. Biz ümumi vəziyyəti dəyişmək, israillilər və fələstinlilər üçün daha yaxşı bir gələcək təmin etmək üçün Qəzzada müharibəyə başladıq”, - deyə siyasətçi vurğulayıb.

Onun sözlərinə görə, İsrail eyni istəklərlə indi Livanda hərbi kampaniyaya başlayıb və onun hədəfi ”Hizbullah” hərəkatının silahlı birləşmələridir:

"İndi biz Livanda ”Hizbullah”a qarşı vuruşuruq. Mən hesab edirəm ki, bu, Livan xalqının “Hizbullah”ın zülmü olmadan daha yaxşı gələcəyə sahib olması üçün qapı açır. Regionumuz üçün daha yaxşı bir gələcək təmin etmək üçün biz İran xalqı ilə müharibə aparmırıq”, - Hersoq qeyd edib.

Daşqın Həsənov
Missiya.Az