Bu gün Britaniya hökuməti İrana qarşı strateji əhəmiyyət kəsb edən mal və texnologiyalara qarşı yeni sanksiyalar tətbiq edib. 

Missiya.Az xəbər verir ki, bu barədə “Azad İran” teleqram kanalı məlumat yayıb.

Məlumata görə, bu sanksiyalar dron və raketlərin istehsalını və tədarükünün dayandırmasını  və İran hökumətinin müdafiə sənayesinə təzyiqi göstərməyi nəzərdə tutur.

Britaniyanın yeni sanksiyalarına əsasən, bəzi avadanlıqların  tədarükü və çatdırılması, eyni zamanda İranda istifadə edilməsi qadağandır.

Məlumata görə, avadanlıqlar arasında daxili yanma mühərrikləri və turboreaktivlər, gecəgörmə və termal görüntü kameraları, elektron vasitələr, lazer sistemləri, məlumat ötürmə avadanlıqları və kompüter sistemləri var.

Qeyd olunub ki, sanksiyaların əsas məqsədi İranın avadanlıqlar vasitəsilə nüvə, raket və ya digər fəaliyyətlətlərdə istifadə oluna biləcək müəyyən texnologiyalara çıxışını məhdudlaşdırmaqdır.


Leyla SƏMƏNDƏR
Missiya.Az