Mütəxəssislər səhər yeməyinin bir çox faydalarının olduğunu deyirlər. Ən mühüm xüsusiyyəti maddələr mübadiləsini gücləndirməsi və gün ərzində daha çox kalori əritməyə kömək etməsidir. Lakin səhər yeməyi yeməsək vücud gələn kaloriləri əritmək əvəzinə onu saxlayır, insanlar gün ərzində az kalori belə qəbul etsələr, bədəndə kütlə indeksi yüksək olur.

Alimlər maraqlı bir fakt da ortaya çıxarıblar. Səhər yeməyi yeməyən yeniyetmələrin əhval-ruhiyyəsi  aşağı olur. Həmçinin narahatlıq, stress və depressiya səviyyəsi daha yüksəkdir. Belə bir məlumat da var ki, sözügedən tapıntıların səbəbi düzgün səhər yeməyinin beynin səmərəli işləməsi üçün lazım olan qida və enerji ilə təmin edilməsi ola bilər.

İndi isə səhər yeməyinin faydalarını daha geniş təqdim edək: Daha az çəkiyə malik olmaq; gün ərzində az yağ istehlakı; daha çox gündəlik kalsium qəbulu; çoxlu lifə malik olmaq; daha yaxşı performans qazanmaq; məktəb yaşlı uşaqlar üçün yaddaş və diqqətin artması.

O cümlədən diabet riskini azaldır, saç tökülməsi ilə effektiv mübarizə üsuludur, baş ağrıları və miqreni aradan qaldırmağa yardımçı olur.

Zərintac Mayisqızı
Missiya.Az