“Ümid edirəm ki, bütün tərəflərin siyasi iradəsi və davamlı səyləri ilə düşmənçilik və zorakılıq səhifəsi nəhayət, regionun bütün xalqlarının rifahı naminə birdəfəlik çevrilə bilər”.

Missiya.Az xəbər verir ki, bunu Avropa İttifaqının (Aİ) Cənubi Qafqaz və Gürcüstan üzrə xüsusi nümayəndəsi Toivo Klaar Azərbaycan-Ermənistan münasibətləri ilə bağlı “Jam news”a müsahibəsində deyib.

"Bildiyim qədər, sülh müqaviləsi layihəsinin əksəriyyəti artıq razılaşdırılıb. Mənə elə gəlir ki, çatışmayan yeganə şey finiş xəttinə çatmaq üçün lazım olan siyasi iradədir. Biz qəti şəkildə inanırıq ki, qalan müqavilələr üzrə yekun razılığa nail olunacaq. Sülh müqaviləsi və onun sonradan həyata keçirilməsi regiondakı vəziyyəti kökündən dəyişəcək, mən inanıram ki, liderlər də bu fikrə şərik olacaqlar və məsələ ilə bağlı yekun razılığa gəlmək üçün lazım olan bütün səyləri göstərəcəklər”, - deyə siyasətçi vurğulayıb.

Daşqın Həsənov
Missiya.Az