“Türkiyə geosiyasətdə getdikcə daha aktiv rol oynamağa başlayır”. 

Missiya.Az “Hraparak” nəşrinə istinadən xəbər verir ki, bunu Ermənistan müdafiə nazirinin keçmiş müavini Artak Zakaryan deyib.

Onun sözlərinə görə, Türkiyə NATO və Rusiya-Çin-İran üçlüyü arasında əsas blok üçün mühüm müttəfiqə çevrilir.

O, bildirib ki, özünə güvənən Türkiyə Cənubi Qafqaz və Mərkəzi Asiyada Rusiyaya meydan oxuyur. 

“Türkiyənin Cənubi Qafqazdakı özünə inamlı siyasəti Xəzərin şərqində də yeni üfüqlər açdı. Bu, Mərkəzi Asiyanın türkdilli dövlətlərinə Ankara ilə əməkdaşlığın real fayda verə biləcəyini göstərdi. Qazaxıstan və Özbəkistan Türkiyə ilə ikitərəfli münasibətlərini çoxtərəfli strateji tərəfdaşlıq səviyyəsinə qaldıraraq, qoşun hazırlığı, birgə hərbi təlimlər və kəşfiyyat məlumatlarının toplanması kimi hərbi əməkdaşlığı inkişaf etdirmək üçün müqavilələr imzalayıblar. Türkiyə pilotsuz uçuş Mərkəzi Asiya bazarında sürətlə dominant mövqe əldə edir”, - deyə siyasətçi vurğulayıb.

Zakaryan qeyd edib ki, Qərb üçün Türkiyə onların yanında olmalı olan əsas müttəfiqdir.

Daşqın Həsənov
Missiya.Az