“29 il əvvəl Srebrenitsada yaşanan vəhşiliyə bənzər bir vəhşilik indi Qəzzada yaşanır. Fələstin xalqı təxminən 40 min günahsız insanın qətliamına məruz qalır. Qəzzadakı vəhşiliyə görə məsuliyyət daşıyanlar Srebrenitsada olduğu kimi gec-tez beynəlxalq hüquq qarşısında cavab verəcəklər”.

Missiya.Az “STAR”a istinadən xəbər verir ki, bu sözləri Türkiyə prezidenti Rəcəb Tayyib Ərdoğan Srebrenitsa Soyqırımının 29-cu ildönümü ilə əlaqədar videomüraciətində deyib.

Bosniya və Herseqovinada soyqırımı hələ də inkar edən və beynəlxalq məhkəmə qərarlarına baxmayaraq müharibə cinayətkarlarını tərifləyənlərdən təəssüfləndiklərini vurğulayan Ərdoğan müharibədən sonra evlərinə qayıdan insanlara qarşı hücum və təzyiqləri narahatlıqla izlədiklərini bildirib.

Ərdoğan Türkiyənin Bosniya və Herseqovinanın sabitlik, sülh və firavanlıq hövzəsinə çevrilməsi üçün üzərinə düşəni etməyə davam edəcəyini qeyd edib:

“Bosniya və Herseqovinanın ərazi bütövlüyü, siyasi birliyi və suverenliyinə qeyd-şərtsiz dəstəyimizi hər zaman davam etdirəcəyik", - deyə siyasətçi vurğulayıb.

Daşqın Həsənov
Missiya.Az