“SSRİ xalq artisti Alla Puqaçovanın qeydlərində Rusiya Federasiyası Silahlı Qüvvələrini gözdən salan elementlər aşkarlanarsa, beş ilədək müddətə azadlıqdan məhrum edilməklə cinayət məsuliyyətinə cəlb oluna bilər”.

Missiya.Az xəbər verir ki, bunu Rusiya Dövlət Dumasının deputatı Aleksey Juravlyov deyib.

"Onun qeydləri Rusiya Silahlı Qüvvələrinə qarşı nüfuzdan salan elementlərin olub - olmaması baxımından öyrəniləcək. Məlum olduğu kimi, hazırda hüquq-mühafizə orqanlarının əməkdaşları məhz bununla məşğuldurlar. Bu, artıq 5 ilə qədər həbslə nəticələnən cinayət maddəsi ola bilər”, - Juravlyov bildirib.

Qeyd edək ki, Puqaçova Rusiya qüvvələrinin iyulun 9-da Kiyevə raket hücumuna cavab olaraq yazıb: “Allah səbirlidir, amma hər şeyin ölçüsü və həddi var”. O, əlində qan içində uşaq olan qadının fotosunu da yayıb.

Zərintac Mayisqızı
Missiya.Az