Crocus City Hall konsert zalının qarderobunda part-time işləyən İslam adlı məktəbli 22 mart terror aktı zamanı 100-dən çox ziyarətçinin xilas olmasına kömək edib. 

Missiya.Az xəbər verir ki, bu barədə Mash Telegram kanalı məlumat yayıb.

Yeniyetmənin 15 yaşı var. O bildirib ki, bütün inzibatçılar fövqəladə hallar zamanındakı davranış qaydaları ilə bağlı məlumatlandırılıblar.

İslamın sözlərinə görə o, yalnız göstərişlərə tam əməl edib.

Qaçmağa çalışan izdiham tualetə doğru uzanan çıxılmaz dəhlizdə cəmləşəndə məktəbli tevakuasiyaya rəhbərlik etməyə başlayıb. O, ziyarətçiləri dar keçiddən “Krokus Ekspo”nun ərazisinə aparıb, sonra onları xidmət binasından keçərək küçəyə çıxarıb və beləliklə də 100-dən artıq şəxsin həyatını xilas etməyə müvəffəq olub.

Elcan

Missiya.Az