Naxçıvan Muxtar Respublikası Ali Məclisinin sədr müavini Anar İbrahimov Naxçıvan Təhsil Nazirliyinin fəaliyyətinin təkmilləşdirilməsi ilə bağlı əlavə tədbirlər haqqında fərman imzalayıb.
Missiya.Az Report-a istinadən xəbər verir ki, fərmanla “Naxçıvan Muxtar Respublikasının Təhsil Nazirliyi haqqında Əsasnamə” və “Naxçıvan Muxtar Respublikasının Təhsil Nazirliyinin strukturu” təsdiq edilib.
Naxçıvan Muxtar Respublikasının Nazirlər Kabineti Ali Məclis sədrinin aktlarının bu Fərmana uyğunlaşdırılması ilə bağlı təkliflərini iki ay müddətində Naxçıvan Ali Məclisinə təqdim etməlidir. Həmçinin, hüquqi aktların bu Fərmana uyğunlaşdırılmasını təmin edib iki ay müddətində Ali Məclisə məlumat verməlidir. Nazirlər Kabineti mərkəzi icra hakimiyyəti orqanlarının normativ hüquqi aktlarının bu Fərmana uyğunlaşdırılmasını nəzarətdə saxlayacaq və bunun icrası barədə üç ay müddətində Naxçıvan Ali Məclisinə məlumat verəcək.
Fərmanla, həmçinin “Naxçıvan Muxtar Respublikasının Təhsil Nazirliyi haqqında Əsasnamənin təsdiq edilməsi barədə” Naxçıvan Muxtar Respublikası Ali Məclisi sədrinin 2005-ci il 9 mart tarixli 173-II FR nömrəli Fərmanı ləğv edilib.
