ABŞ hökuməti mayeləşdirilmiş təbii qazın (LNG) tədarükü vasitəsilə Avstriya və digər Avropa ölkələrinin Rusiyanın enerji ehtiyatlarından imtinasına kömək etmək niyyətindədir.

Missiya.Az Report-a istinadən xəbər verir ki, bu barədə ABŞ dövlət katibi Antoni Blinken Vyanada Avstriyanın xarici işlər naziri Aleksandr Şallenberqlə birgə mətbuat konfransında bildirib.

“Müxtəlif ölkələrin enerji sektorunda Rusiya ilə onilliklər ərzində qurulmuş fərqli münasibətləri var. Ona görə də bunu bir anda dəyişmək həmişə asan olmur”, - o deyib. ABŞ xarici siyasət idarəsinin rəhbərinin sözlərinə görə, Avstriya bu istiqamətdə bir sıra çox mühüm addımlar atıb və hazırda da atmaqdadır. “ABŞ Avropadakı bir çox tərəfdaşla etdiyi kimi Avtriyaya da kömək etmək istəyir. Biz bunu LNG ilə bağlı etmişik. Bunu davam etdirəcəyik”, - o əlavə edib.

“Beynəlxalq Atom Enerjisi Agentliyində müzakirə olunan məsələlərdən biri də - təkcə Avstriya ilə bağlı yox, ümumilikdə region üzrə - nüvə enerjisi, o cümlədən kiçik modul reaktorlar və əhəmiyyətli fərq yarada biləcək digər texnologiyalar üçün imkanların olması idi”, - A.Blinken söyləyib.