Fevralın 22-si Azərbaycanın görkəmli alimi, türk tarixinin parlaq tədqiqatçısı, tarix üzrə fəlsəfə doktoru Kərəm Məmmədovun doğum günüdür. Kərəm Məmmədov həyatını Azərbaycan elminə, tarixinə həsr edən ziyalılarımızdan biri olub. Böyük tarixçinin əziz xatirəsini yad etmək məqsədilə Türk Ağsaqqalları İctimai Birliyi – TAİB-in mərkəzi ofisində anım tədbir keçirib. 

Tədbirdə TAİB-in İdarə Heyətinin üzvləri, mərhumun ailə üzvləri, ictimaiyyət nümayəndələri və gənclər iştirak ediblər. 

Tədbirdə çıxış edənlər görkəmli tarixçi-alimin həyat və fəaliyyətinin bəzi məqamları ilə bağlı iştirakçılara məlumat veriblər. Qeyd olunub ki, Kərəm müəllimin tədqiqatları, onun müəllifi olduğu kitab və məqalələr, Azərbaycan və ümunmən türk tarixinin zəngin və dərin irsidir. 

Kərəm Məmmədovun elmi və pedaqoji fəaliyyəti 100-ə qədər elmi əsərdə öz əksini tapıb. O, 2019-cu ilin aprelində "Əməkdar müəllim" adına layiq görülüb.

 Kərəm Məmmədov bir neçə kanallarda tarixi verilişlərin müəllifi və aparıcısı olub. Görkəmli alim, dəyərli ziyalımız 2023-cü il iyunun 10-da ürək tutmasından vəfat edib. 

Allah rəhmət eləsin!