“İran Azərbaycan və Ermənistanın birgə bəyanatını, o cümlədən əsirlərin mübadiləsini alqışlayır. Tehran bunu sülh sazişinin əldə edilməsi istiqamətində təqdirəlayiq və konstruktiv addım kimi qiymətləndirir”. 

Missiya.Az xarici KİV-ə istinadən xəbər verir ki, bunu İran Xarici İşlər Nazirliyinin sözçüsü Nasir Kənani deyib.

Onun sözlərinə görə, iki ölkənin birgə bəyanatı regional dialoqun və problemlərin həlli mexanizmlərinin səmərəliliyini bir daha təsdiqləyir.

Kənani qeyd edib ki, regionda sabit sülhün əldə edilməsi tərəflər arasında əməkdaşlıq və etimad şəraitinin yaradılması üçün mühüm amildir. 

“İran danışıqlar prosesinin effektiv olacağına ümid edir. Tehran iki qonşu ölkəyə sabit sülhə nail olmağa kömək etməyə hazırdır”, - deyə siyasətçi vurğulayıb.

Daşqın Həsənov
Missiya.Az