“ABŞ Rusiyanı 2024-cü ilin sonuna qədər Ukraynanın şərtləri ilə bağlı danışıqlara razı salmaq istəyir”.

Missiya.Az “UNİAN”a istinadən xəbər verir ki, bunu ABŞ prezidentinin milli təhlükəsizlik üzrə köməkçisinin birinci müavini Conatan Fayner deyib.

Onun sözlərinə görə, ABŞ-nin məqsədi Rusiya Federasiyasını seçim etməyə məcbur etməkdir: 

“Biz istərdik ki, ukraynalılar gələn ilin sonunda Rusiyanın qərar verməyə məcbur olacağı bir vəziyyətdə olsun. Ya Kiyev üçün məqbul şərtlərlə danışıqlar masasına otursun, ya da daha güclü Ukrayna ilə üzləşsin”, - deyə siyasətçi vurğulayıb.

O qeyd edib ki, Vaşinqton Ukraynanın müdafiə sənayesini inkişaf etdirməyə çalışır. Eyni zamanda, ABŞ və müttəfiqləri Ukraynanın yeni hücuma keçmək imkanı əldə etməsi üçün bütün səyləri göstərir.

Daşqın Həsənov
Missiya.Az