Moskvanın mərkəzində baş verən yanğın nəticəsində 2014 və 2019-cu il təvəllüdlü iki uşaq ölüb.

Missiya.Az Rusiya mediasına istinadən xəbər verir ki, məlumatı paytaxt prokurorluğu yayıb.

Kitabxana küçəsində yerləşən hündürmərtəbəli mənzildə yanğın baş verib. Hadisə nəticəsində 2014 və 2019-cu il təvəllüdlü iki uşaq dəm qazından zəhərlənərək xəstəxanaya aparılarkən yolda ölüb. Onların 1975-ci il təvəllüdlü atası yanıq xəsarətləri ilə təcili reanimasiyaya yerləşdirilib.

Faktla bağlı Rusiya Federasiyası Cinayət Məcəlləsinin 109-cu maddəsinin 3-cü hissəsi (“Ehtiyatsızlıqdan ölümə səbəb olma”) ilə cinayət işi başlanıb. Yanğının dəqiq səbəbi yanğın-texniki ekspertizanın nəticələrinə əsasən müəyyən ediləcək.

Mash Telegram kanalı yazır ki, ilkin məlumatlara görə, yanğın Çin  istehsalı olan Yeni il çələnginin qısaqapanması nəticəsində baş verib və alov pərdələrə  keçib.

Elcan
Missiya.Az