![](/uploads/posts/2023-11/1696605973_2023-06-06-10-21-03aq35thzcn6eu58cbdywz_file.jpg)
"Kimsə sizə “bank kartınızı göndərin yardım edəcəm” - desə göndərməyin! Kimsə sizə satdığınız əşya, yaxud daşınmaz əmlakla bağlı “bank kartınızı göndərin beh verim” - desə göndərməyin!".
Missiya.Az xəbər verir ki, bunu Daxili İşlər Nazirliyinin Mətbuat xidmətinin rəisi Elşad Hacıyev "Facebook" hesabında yazıb.
O qeyd edib ki, kimsə sizə “kampaniya var - ucuz məhsullar var, ünvana pulsuz çatdırılır, onlayn ödəniş edin” - desə etməyin.
"Kimsə sizə “onlayn iş füsrəti var, pul köçürmələrindən qazana bilərsiz” - desə qoşulmayın! Hamısı yalandır"-deyə o əlavə edib.
Elşad Hacıyev vətəndaşları bu dələduzluqlarla bağlı məlumatdırmaq məqsədilə çağırış edib.
Qeyd edək ki, vətəndaşların cib telefonlarına sözügedən məsələ ilə əlaqədar bir neçə gündür DİN-dən xəbərdarlıq mesajı gəlib.
Mesajda qeyd olunur:
"Vətəndaşlara müxtəlif cinayət işlərinin iştirakçısı olmaqları haqqında göndərilən və ödəniş tələb olunan SMS-lərin, elektron poçt məlumatlarının və veb-səhifələrdə çıxan bildirişlərin dələduzluq əməli olduğunu bildiririk. Bu cür hallarla rastlaşdıqda linklərə daxil olmamaq ve saxta veb-səhifələrdə ödəniş etməmək tövsiyə olunur".
Leyla SƏMƏNDƏR
Missiya.Az