1988-ci ilin məhz bu günü Avstraliya, Kanada, Yaponiya, Tailand, Sinqapur, Böyük Britaniya və ABŞ-ın nümayəndələrinin iştirakı ilə Tokioda Ümumdünya Xeyirxahlıq Hərəkatının birinci konfransı açılmışdır. Sonralar isə başqa ölkələr də bu hərəkata qoşulmuşlar. 

Xeyirxahlıq deyiləndə nəcib əməllər nəzərdə tutulur. Xeyirxahlıq bir çox hallarda kiminsə harasa pul xərcləməsi,kasıb birinə əl tutması, məscid,bulaq və s tikdirməsi, qurması kimi başa düşülür.Onu da qeyd edək ki,xeyirxahlıq həm də bir insanın digərinin qayğısına qalması, ona xoş söz deməsi, ona nəvaziş göstərməsi,bir-birinin haqqına girməməsi kimi başa düşülməlidir. 

Əlavə sözə isə ehtiyac yoxdur. Hər an, hər gün yaxşılıq etmək, kiminsə əlindən tutmaq, kiməsə xoş söz söyləmək hər birimizin həyat və düşüncə tərzinə çevrilməlidir.Belə bir atalar sözünü də unutmayaq: “Yaxşılıq edən yaxşılıq görər”.

Nurlana Əhmədova
Missiya.Az