“Nə sularımız, nə yağımız, nə çörəyimiz, qəbul etdiyimiz ətlər- heç biri sağlam deyil”. 

Missiya.Az xəbər verir ki, bunu  “Sabaha saxlamayaq” verilişində  Qida Təhlükəsizliyi Hərəkatının təsisçisi Məhsəti  Hüseynova deyib.

O bildirib ki, qida üzrə geniş araşdırmalar aparıb. Su ilə bağlı apardığı araşdırmasına görə, Azərbaycanda satılan suların yalnız ikisi içməyə yaralıdır. 

“Qalanları isə heç maşınlara tökməyə belə yaramır. Çünki codluğu çoxdur. Laborator üsullarla araşdırma etmişik. Keyfiyyətli deyil, bəzi insanlar var deyir ki, suyu içəndən sonra ağırlıq hiss edir, ürəyi bulanır. Bu onu göstərir ki, həmin suyun tərkibi təmiz deyil, düzgün şəkildə qablaşdırılmayıb. Eyni zamanda, xlorlanıb, bütün vitamin və mineralı öldürülüb. Bəzən heç bir emal prosesi keçmədən doldurulub satılır ki, bu da bir problemdir”,-deyə Məhsəti Hüseynova bildirib.

Leyla SƏMƏNDƏR
Missiya.Az