Son günlər “patı” bəlası əsas müzakirə mövzularından biridir. Bu narkotik məhsulun ölkə daxilində istehsal edilməsi ilə bağlı da müxtəlif fikirlər var.

Missiya.Az xəbər verir ki, Dünya Azərbaycanlıları Assambleyasının rəhbəri Rəşad Quliyev Almaniya hökumətindəki mənbələrdən diqqətçəkən məlumat əldə edib. Məlumata görə,  Azərbaycanda bəlaya çevirlən “patı” Xankəndidə hazırlanır.  Alman kəşfiyyatının bununla bağlı dəqiq informasiya əldə etdiyi bildirilir. 

Ermənilər 44 günlük Vətən müharibəsi zamanı Azərbaycan gəncliyinin döyüş ruhu qarşısında rüsvayçı şəkildə məğlub olduqlarını həzm edə bilmirlər. Bu səbəbdən də gəncləri zəhərləməklə qisas almaq planını işə salıblar.

Mənbənin bildirdiyinə görə, Xankəndidə “Patı” istehsal edib Azərbaycanın digər bölgələrinə ötürürlər. Bunu isə İran vasitəsilə həyata keçirirlər.

Mənbə bildirib ki, əvvəllər “patı” istehsalını Zəngilanda həyata keçirirmişlər. Zəngilan işğaldan azad edildikdən sonra isə, bu işi Xankəndidə davam etdirirlər.

Qeyd olunur ki, Xankəndiyə xarici ölkələrdən tez-tez maşınlar gəlir, bəzi hallarda nömrələr dəyişdirilir.

Mövzunu diqqətdə saxlayacağıq...