"Ümumi sərhədlərdə sülhün və təhlükəsizliyin bərqərar olması yalnız qonşu dövlətlərin birliyi ilə mümkündür və bölgədə əcnəbilərin olması gərginlik və qarşıdurmalara səbəb olacaq".
Missiya.Az İRNA-ya istinadən xəbər verir ki, bunu İran Silahlı Qüvvələrinin Baş Qərargah rəisi, general Məhəmməd Baqeri Azərbaycanın müdafiə naziri Zakir Həsənovla telefon danışığ zamanı deyib.
Baqeri iki ölkənin Silahlı Qüvvələri arasında əməkdaşlığın və əlaqələrin səviyyəsinin bütün sahələrdə inkişaf etdiyini bildirib.
O, həmçinin İslam Respublikası Silahlı Qüvvələrinin Bakıda keçiriləcək birgə hərbi komissiyada iştirak etməyə hazır olduğunu da açıqlayıb.
Azərbaycanın müdafiə naziri ölkənin İranla ikitərəfli hərbi və müdafiə əməkdaşlığını genişləndirməyə hazır olduğunu açıqlayıb. "Biz İranı dost ölkə hesab edirik və Tehranla bütün sahələrdə əməkdaşlığı alqışlayırıq", - nazir əlavə edib.
