“Qərb tərəfdaşları başa düşməlidirlər ki, qətiyyətli qərarlar qəbul etmək vaxtıdır və tərəddüd edilməməlidir. Rusiyaya cavabımız aydın və vahid olmalıdır”.

Missiya.Az xarici KİV-nə istinadən xəbər verir ki, bu sözləri Gürcüstan prezidenti Salome Zurabişvili deyib.

Siyasətçi bildirib ki, Gürcüstanın NATO-ya üzvlüyü Rusiyaya aydın cavab olacaq.

Onun sözlərinə görə, Rusiyanın işğalı bütün dünya və xüsusən də Avropa qitəsi üçün təhlükənin miqyasının yenidən dərk edilməsinə səbəb oldu.

Gürcüstan üçün yeni geosiyasi vəziyyət digər məsələlərlə yanaşı, sülh və təhlükəsizliyin möhkəmləndirilməsi üçün bütün imkanlardan yararlanması deməkdir.

“Biz NATO-ya inteqrasiya yolumuzu gücləndirmək üçün səylərimizi əsirgəməməliyik. Vilnüs sammitinin bu baxımdan mühüm hadisə olacağına ümid edirəm”, - deyə siyasətçi vurğulayıb.

Daşqın Həsənov
Missiya.Az