Amerika Birləşmiş Ştatlarının Avropa Komandanlığının mətbuat xidməti məlumat yayıb ki, Rusiya qırıcısı Qara dəniz üzərində ABŞ-a məxsus drona çırpılıb.

Missiya.Az xarici mediaya istinadən xəbər verir ki, yayılan məlumata görə, Qara dəniz üzərində Rusiyanın iki “Su-27” qırıcısı beynəlxalq hava məkanında kəşfiyyat aparan ABŞ Hərbi Hava Qüvvələrinə məxsus “MQ-9” dronunun qarşısını almağa cəhd edib.

Eyni zamanda Rusiya Müdafiə Nazirliyi Qara dəniz üzərində ABŞ pilotsuz uçuş aparatı və qırıcı təyyarənin iştirakı ilə baş verən insidenti şərh edib. Nazirlik Rusiya Hərbi Kosmik Qüvvələrinin Krım yarımadası rayonunda sərhədi pozan “MQ-9” PUA-nı qeydə aldığını, PUA-nın qəfil manevr nəticəsində hündürlüyü itirərək suya düşdüyünü bildirib.

Rusiya Müdafiə Nazirliyinin məlumatında qırıcı təyyarələrin silah tətbiq etmədikləri, PUA ilə kontakta girmədikləri və aerodroma qayıtdıqları qeyd olunur. Hadisə ilə əlaqədar Rusiyanın Vaşinqtondakı səfiri ABŞ Dövlət Departamentinə çağırılıb.

Hüseyn Babayev
Missiya.Az