“Bu ilin aprel ayının 17-dən indiyə kimi davam edən “Pəncə-Kilit” əməliyyatı çərçivəsində İraqın şimalında yerləşən 3 bölgədə 397 terrorçu məhv edilib”.

Missiya.Az “Anadolu” agentliyinə istinadən xəbər verir ki, bu sözləri Türkiyənin müdafiə naziri Hulusi Akar deyib.

Akar bildirib ki, Türkiyənin terrorla mübarizədə yeni mərhələyə başladığı 2015-ci ilin iyul ayından bu günə qədər bölgədə 36 min 143 terrorçu zərərsizləşdirilib.

“Terrorçular iki və ya üç pilləli olan mağaralarda gizlənərək möhkəmləndirilmiş ərazilər tikirlər. Türkiyə ordusu sərhəd bölgələrini silahlılardan addım-addım təmizləyir”, - deyə türkiyəli nazir vurğulayıb.

Akar qeyd edib ki, Türkiyə bundan sonra da terrora qarşı mübarizəsini davam etdirəcək.

Daşqın Həsənov
Missiya.Az