Ekologiya və Təbii Sərvətlər Nazirliyinin nümayəndəsi Masallıda baş verən yanğınla bağlı məlumat yayıb.

Missiya.Az APA-ya istinadən xəbər verir ki, regiona ezam olunan Nazirliyin Meşələrin inkişafı xidmətinin rəisi Xaliqverdi Hüseynov bildirib ki, ərazi olduqca çətin bir relyefə malikdir.

“Yanğının baş vermə səbəbini konkret olaraq, biz deyə bilmirik. Amma hesab edirik ki, bütün yanğınlarda olduğu kimi burda da hansısa bir insan amili var. Əhalinin mal-qara ilə və yaxud da istirahətlə bağlı əraziyə daxil olmasını müşahidə etdik. Bu ərazilərdə insanlar istirahət edir. Bu kəndin əhalisi və yaxud digər ərazilərdən, digər regionlardan gələn şəxslərlə bağlı hesab edirik ki, hər hansı bir insan faktoru var. Burda təbii ki, araşdırma gedəcək və yanğının səbəbləri ilə bağlı ilkin olaraq bu gün hər hansı bir məlumat vermək doğru olmazdı, qeyri-dəqiq olardı" – deyə xidmət rəisi bildirib.