b_550_325_16777215_00_images_xeber_sekilleri_15dekabr2016_nurayin-atasi.jpg

“Mən Rübabə Xudaverdiyeva ilə 2004-cü ildə ailə qurmuşam. 2007-ci ildə keçmiş həyat yoldaşım Bakıdakı evimizi tərk edərək Qubaya gedib. O, evi tərk etməsinə səbəb kimi mənim xəstəxananın gecə növbəsində çalışmağımı göstərirdi”.

Missiya.Az xəbər verir ki, bunu APA-ya açıqlamasında Quba Rayon Məhkəməsində zorakılıqla üzləşən 10 yaşlı Nuray Bayramzadənin atası Əvəz Bayramov deyib. O bildirib ki, 2008-ci ildə məhkəmənin qərarı ilə həyat yoldaşından ayrılıb: “Mən 2009-cu ildə ikinci dəfə ailə həyatı qurdum. İkinci nikahdan da bir qız övladım dünyaya gəldi. Biz ayrılandan bir il sonra Rübabənin xərçəng xəstəsi olduğunu bildim. Ona zəng edərək hansı klinikada müayinə olunduğunu öyrəndim və keçmiş həyat yoldaşıma əlimdən gələn bütün köməklikləri etməyə hazır olduğunu bildirdim”.

Ə. Bayramov qarşı tərəfin kömək təklifindən imtina etdiyini və rəsmi boşanma ərizəsi əldə olunduqdan sonra 2011-ci ildən 2016-cı ilə qədər övladına hər ay aliment ödədiyini söyləyib: “Bununla bağlı əlimdə müvafiq sənədlər var. Mən övladımı görmək üçün müraciət etsəm də, qarşı tərəf mənim bu iddiama müsbət cavab vermirdi. Həyat yoldaşımın ağır xəstə olduğunu nəzərə alaraq, onu əsəbiləşdirməmək üçün hətta uşağımı görməkdən ötrü məhkəməyə belə müraciət etmədim. Rübabə 2010-cu ildə dünyasını dəyişdi. O vəfat edəndən sonra Quba Rayon Məhkəməsinə övladımı görmək üçün müraciət etdim. Bu müddətə kimi uşağa xalası Mehriban Eldarova və onun həyat yoldaşı baxıblar. Məlum olur ki, qarşı tərəf bacısının ölümündən sonra uşağın qəyyumluğunu öz üzərinə götürüb”.

Ə. Bayramov qeyd edib ki, uzun sürən məhkəmə prosesindən sonra uşağın xalası və ərinin qəyyumluğu xətm olunub: “Bundan sonra uşağın xalası və onun əri mənim atalıq hüququndan məhrum olunmağımla bağlı iddia qaldırdılar və mən atalıq hüququndan məhrum olundum. Lakin sonra atalıq hüququm bərpa edildi. 2011-ci ildən 2016-cı il dekabrın 7-nə qədər 19 məhkəmə prosesi keçirilib. Sonuncu icraat prosesi olub ki, dekabrın 7-nə təyin edilib. Dekabrın 7-nə qədər uşağı görmək üçün mənə qarşı tərəf heç bir şərait yaratmadı və ümid icra prosesinə qaldı. Uşaq proses zamanı bu günə qədər atasını, yəni məni görmədiyini dedi, məndən imtina etdi. Buna baxmayaraq, məhkəmə qərarı ilə uşaq mənə verildi. Məhkəmə prosesindən sonra isə huşum itənə kimi məni döydülər və övladımı zor gücü ilə məndən aldılar. Döyülmə faktı ilə bağlı Baş Prokurorluğa müraciət etmişəm”.

Qeyd edək ki, Ə. Bayramov Baklıdakı 5 saylı kliniki doğum evinin anestezioloqudur.

Xatırladaq ki, sosial şəbəkələrdə 10 yaşlı Nurayın xalasından alınaraq atasına verilməsi zamanı məhkəmə icraçıları tərəfindən açıq zorakılıqla üzləşməsini əks etdirən video yayılıb.

loading...


18 Fevral 2017 Prezident BMT-nin baş katibi ilə görüşdü - FOTO
17 Fevral 2017 Qar nəqliyyatın hərəkətini iflic edib - sürücülər təhlükəli anlar yaşayıb - FOTO+VİDEO
15 Fevral 2017 Anar Məmmədov Londondakı evini satışa çıxardı – 9,5 milyon funta - ÖZƏL + Fotolar
14 Fevral 2017 Azərbaycanı hədələyən terrorçu məhv edildi
14 Fevral 2017 Əli Kərimlinin adamları Neft Fonduna neçə ayaq açdı? - Şahmar Mövsümov MHŞT düyünündə
14 Fevral 2017 “Xankəndidə yaralılar çoxdur, ölənlər var…” - Polkovnik
13 Fevral 2017 Türk pilotlardan müdhiş şou - "Bir ölər, min dirilərik!" VİDEO
13 Fevral 2017 Düşmənin diversiya qrupu belə məhv edilib - YENİ VİDEO
10 Fevral 2017 Pasportların rəngləri nə məna daşıyır?
10 Fevral 2017 İrəvanda etiraz aksiyası keçirilir - FOTO
10 Fevral 2017 Ermənilərin şəxsi heyətlə dolu hərbi texnikası belə məhv edildi - VİDEO
10 Fevral 2017 Dövlət Sərhəd Xidmətinin səlahiyyətləri artırılır
10 Fevral 2017 Qar uçqunu nəticəsində bir əsgərimiz həlak olub
10 Fevral 2017 Lavrov NATO-nu kəskin tənqid etdi
09 Fevral 2017 Lukaşenko Lapşini Bakıya verməyinin səbəbini açdı - VİDEO
09 Fevral 2017 İŞİD türk hərbçilərə hücum etdi - ölənlər var
08 Fevral 2017 Ermənilər "Qarabağ"ı dünya bazarına çıxarır - FOTOLAR
08 Fevral 2017 Qarabağda şiddətli atışma - erməni podpolkovnik öldürüldü
08 Fevral 2017 Qarabağda döyüşlər qızışdı, Ermənistan ordusu itkilərini açıqladı
08 Fevral 2017 Lapşin Kürdəxanı Təcridxanasına köçürüldü