b_550_325_16777215_00_images_xeber_sekilleri_15dekabr2016_zzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzzz.jpg
Bir müddət əvvəl ləğv edilmiş Milli Təhlükəsizlik Nazirliyinin (MTN) hazırda həbsdə olan sabiq idarə rəisi Sübahir Qurbanov, onun müavini Fizuli Əliyev və digərlərinin cinayət işi üzrə zərərçəkmiş şəxslərdən Səbuhi Məcidovun istintaq zamanı verdiyi ifadə məlum olub.

Missiya.Az APA-ya istinadən xəbər verir ki, Məcidov Səbuhi Abturab oğlu ifadəsində göstərib ki, 2014-cü ilin əvvəllərində maddi çətinliklərlə əlaqədar adına olan Abşeron rayonunun Saray qəsəbəsində yerləşən bağ evini satmaq qərarına gəlib. Əvvəllər bağ evində olmuş və həmin vaxtdan bəyənmiş Rusiyada yaşayan tanışı Fizuli Rəsulovla mobil telefonla danışaraq 180 000 manata satılması barədə razılaşıb. 2014-cü ilin payızında o, Fizuli Rəsulovla «Port Baku» biznes mərkəzində adını xatırlamadığı restoranlardan birində görüşüb, bağ üçün 64000 manat beh alıb. Bundan sonra ikisi orada nahar edib. Biznes mərkəzindən çıxaraq taksiyə yaxınlaşarkən bir nəfər yanına gəlib və onunla getməli olduğunu deyib.

İfadədə bildirilib ki, özünü MTN-nin əməkdaşı kimi təqdim edən Fizuli Əliyevin idarə etdiyi qara rəngli "Hyundai" markalı avtomobillə MTN-nin yaxınlığındakı «Sultan» restoranına aparılan zərərçəkmiş buraya gətirilməsinin səbəbini soruşub. Fizuli Əliyev narahat olmamağı, istədikləri səbəbi göstərə biləcəklərini deyib. Onun üstünü axtarıb, çantasındakı 63715 manatı götürüblər, pulu cinayət yolu ilə əldə etdiyini, işinin istintaqa göndəriləcəyini deyərək, çantadakı puldan əlavə olaraq, 1-2 günə 300000 manat gətirəcəyi təqdirdə ona kömək edəcəklərini bildiriblər.

Nahar etdikdən sonra Fizuli Əliyev, Natiq Alıyev və Zaur Məmmədov onu MTN-nin nəzarət-buraxılış məntəqəsinə aparıblar. Orada Fizuli Əliyev «sabah 300000 manatı gətirməsən, qadınları bura gətirib, üzünə durmalarını istəyəcəyik, çantadakı pul bizə qalacaq, ailənin içində biabır olacaqsan, səni heç kəs qurtara bilməyəcək, ən ağır cəza alacaqsan» deyərək, hədə-qorxu gəlib. Zərərçəkən israrla pulunun olmadığını deyərək, saxlanılma səbəbini öyrənmək istəsə də, Natiq Alıyev «onda səndən 100000 manat alacağıq» deyə onu qorxudub. Fizuli Əliyev ona ertəsi gün saat 14:00-dək 100000 manat gətirməsini tələbə edib. Həmin gün saat 21.00 radələrində MTN-dən buraxılsa da, çantasından götürülən pulu qaytarmayıblar. Natiq Alıyev ona əlaqə saxlamaq üçün telefon nömrəsini verib.

Növbəti gün MTN-ə gedərək, Natiq Alıyevlə görüşüb. Natiq Alıyev onu əvvəlki gün saxlandığı otağa aparıb, daha sonra Zaur Məmmədov da ora gəlib. Onlar növbələşərək, pul verməyəcəyi təqdirdə həbs ediləcəyi, rüsvay ediləcəyi barədə söhbətlər ediblər. Saat 19.00-20.00 radələrinədək ac-susuz orada saxlayıblar. Həmin vaxt Zaur Məmmədov rəisi Fizuli Əliyevin onu «Sultan» restoranında gözlədiyini deyərək oraya aparıb. Bu işdə əsas fəallıq göstərənlər Fizuli Əliyevlə Natiq Alıyev olub. Zaur Məmmədov isə onların göstərişlərini qeyd-şərtsiz icra edib. Zaur Məmmədovla söhbətindən onun Vəhhabi təriqətinə mənsub olduğunu müəyyənləşdirib. Zaur Məmmədov onu «Sultan» restoranının kabinetinə gətirib, kabinetdə Fizuli Əliyev və Natiq Alıyev olub. O, içəri daxil olan kimi Fizuli Əliyev tapançasını çıxarıb, barmağında fırlatmağa başlayıb. Pulu nə üçün ləngitdiyini, ona bir gün də möhlət verdiklərini deyərək, evə buraxıb.

O, bütün gecə həmin pulu haradan tapa biləcəyini fikirləşsə də, çıxış yolu tapmayıb. Ertəsi gün səhər saatlarında MTN-nin nəzarət-buraxılış məntəqəsinə piyada gedərkən Fizuli Əliyev avtomobili yanında saxlayıb. Natiq Alıyev də avtomobildə olub. Onlar avtomobildən düşüb yolun kənarında dayanaraq ondan tələb etdikləri pulu gətirib-gətirməməsini soruşublar. O isə pul tapa bilmədiyini bildirib. Fizuli Əliyev "yaxşı, sənə inanırıq, telefonlarını bir ildir, dinləyirik, başqa pulunun olmadığını bilirik, sənin xahişini biz edərik» deyib. Aralarında söhbət 10-15 dəqiqə çəkib, onlar çıxıb gediblər.

MTN-nin əməkdaşları Fizuli Əliyev, Natiq Alıyev və Zaur Məmmədovun ona qarşı qanuna zidd hərəkətləri barədə qorxusundan heç kimə məlumat verməyib və heç bir dövlət strukturuna müraciət etməyib. Fizuli Əlyev, Natiq Alıyev və Zaur Məmmədov ondan götürdükləri 63.715 manat pulu isə ona qaytarmayıblar.
loading...


26 Fevral 2017 Tanınmış ictimai xanımlar Xocalı soyqırımı qurbanlarının xatirəsini yad etdi
25 Fevral 2017 Ermənistana aid PUA məhv edildi, düşmən tərəf itki verdi - VİDEO
25 Fevral 2017 Cəbhə xəttində son vəziyyət
25 Fevral 2017 Mətbuat Şurası cəbhədəki vəziyyətlə bağlı KİV-ə çağırış edib
25 Fevral 2017 İlham Əliyevin İrana səfərinə hazırlıq gedir
24 Fevral 2017 Zeynəb Xanlarova öz oğlunu da müharibəyə göndərəcəkmi? - Bizim reaksiya
24 Fevral 2017 Erməni kəşfiyyatının mövqelərimizə yaxınlaşma anı kameraya düşdü - VİDEO
23 Fevral 2017 Azərbaycana qarşı danışan Portakalın iç üzü - VİDEO
22 Fevral 2017 Qarabağda artilleriya işə salındı, şəhid verdik
21 Fevral 2017 Moskvada Azərbaycan neft şirkətinin sabiq başçısı həbs olundu
21 Fevral 2017 İqdır qəzasında yaralanan azərbaycanlılarınadları - TAM SİYAHI
21 Fevral 2017 Azərbaycanın birinci vitse-prezidenti hansı səlahiyyətlərə malikdir?
20 Fevral 2017 Kiçik çillə çıxdı: Novruz çərşənbələri başlayır
20 Fevral 2017 Mahmudovla Hüseynovun milyonluq villa qalmaqalı
19 Fevral 2017 QARABAĞ adına xəyanət – “Ağ-qaralar”a kimlər “güllə” yağdırır?
18 Fevral 2017 Prezident BMT-nin baş katibi ilə görüşdü - FOTO
16 Fevral 2017 İran yenə bayrağımıza hörmətsizlik etdi
15 Fevral 2017 Anar Məmmədov Londondakı evini satışa çıxardı – 9,5 milyon funta - ÖZƏL + Fotolar
14 Fevral 2017 Azərbaycanı hədələyən terrorçu məhv edildi
14 Fevral 2017 Əli Kərimlinin adamları Neft Fonduna neçə ayaq açdı? - Şahmar Mövsümov MHŞT düyünündə