598777.jpg

"The Daily Telegraph" yazır ki, Donald Tramp barədə ifşaedici dosyeni tərtib etmiş keçmiş MI6 zabiti onun kimliyi ABŞ-da açıqlandıqdan sonra "həyatnın təhlükədə olmasından narahatdır".

Missiya.Az xəbər verir ki, adının tezliklə açıqlanacağını hiss edən 52 yaşlı Kristofer Stil Surreydəki evindən qaçıb.

Stilə yaxın çevrələrdən mətbuata bildirilib ki, keçmiş casus Moskvanın intiqamından qorxur.

"The Telegraph" yazır ki, Kremlin ABŞ seçkisində Tramp-n qalib gəlməsi üçün seçkini təsirləndirdiyini iddia edən 35 səhifəlik sənədi hazırlamış cənab Stil Londonda mənzillənmiş Orbis Business Intelligence Ltd firmasının həmtəsisçilərindən biridir.

Bu sənəddə iddia edilir ki, Rusiyanın təhlükəsizlik xidmətləri Trampı şantaj etmək üçün materiala malikdirlər. İddialardan biri də budur ki, Tramp Moskva mehmanxanasında Barak və Mişel Obamanın yatdığı çarpayını "murdarlamaları" üçün fahişələrə pul ödəyib.

"The Telegraph" yazır ki, britaniyalının araşdırmalarını əvvəlcə anti-Tramp respublikaçılar, sonradan isə demokratlar maliyyələşdiriblər.

Cənab Tramp dosyedəki iddiaları "saxta" adlandırıb.

Məqalədə deyilir ki, 1990-cı illərdə Moskvada Britaniyanın Məxfi Kəşfiyyat Xidməti üçün casusluq etmiş Stil Surreydəki evini tələm-tələs tərk etməzdən əvvəl pişiyini qonşusuna tapşırıb və "bir neçə günə" qayıdacağını deyib. Onun arvadının və uşaqlarının da evdə olmadıqları xəbər verilir.

"The Telegraph" yazır ki, keçmiş casus Moskvadakı mənbələrindən Trampın Kremllə əlaqələri barədə yığdığı məlumatları jurnalistlərlə paylaşmaqla təhlükəli oyuna girib.

Məqalədə deyilir ki, bir neçə məruzədən ibarət toplam 35 səhifəlik bu dosyenin mövcudluğu ABŞ jurnalistlərinə son 6 ay ərzində sirr deyildi, lakin FTB tərəfindən Obama və Trampa təqdim olunmuş iki səhifəlik icmalın bu sənəddən çıxarış olduğu bilindikdən sonra dosye əhəmiyyət kəsb edib. Bu barədə məlumatı ilk dəfə olaraq CNN vermişdi. Bu məlumatda bildirilirdi ki, dosye keçmiş Britaniya casusu tərəfindən tərtib edilib.

"The Telegraph" yazır ki, bəzi məlumatlara görə cənab Stil 20 il müddətində MI6 üçün Moskvada casus materialları toplayıb.

2009-cu ildə MI6-dakı xidmətini başa çatdırdıqdan sonra cənab Stil özünün biznes partnyoru Kristofer Barrousla Orbis Business Intelligence Ltd firmasını qurub.

Şirkətin internet saytında deyilir ki, firma "Britaniya kəşfiyyatının keçmiş peşəkarları" tərəfindən yaradılıb.

58 yaşlı cənab Barrous Orbisin sözü gedən dosyeni tərtib edib-etməməsi barədə xəbəri nə təsdiq, nə də təkzib edib.

Cənab Tramp özünün Nyu-York-dakı Trump Tower iqamətgahında keçirilən ilk mətbuat konfransında media üzərinə hücumu ilə yadda qalıb. O CNN-i "saxtakar", Buzzfeed saytını "zir-zibil qalağı", BBC-ni isə "daha bir gözəlçə" adlandırıb.

Bununla yanaşı Donald Tramp müxbirlərin onun Moskva ilə maliyyə və başqa sövdələşmələrinə dair sualını cavabsız buraxıb (BBC).

loading...


24 Mart 2017 "Heil Merkel!" - Almania kansleri şokda VİDEO
23 Mart 2017 Rəsmi Berlin Türkiyəyə dost əli uzatdı
23 Mart 2017 London hücumçusunun şəxsiyyəti açıqlandı
23 Mart 2017 Nigeriyada bir neçə partlayış törədilib - ölən və yaralananlar var
23 Mart 2017 İtaliyadan İsveçrəyə gedən qatar aşdı - yaralılar var
22 Mart 2017 London teraktının təfərrüatları açıqlandı
22 Mart 2017 Türkiyə Norveçə nota verdi
22 Mart 2017 Almaniyadan Türkiyəyə daha bir zərbə
22 Mart 2017 İvanka Ağ evə köçür - Tramp qızına vəzifə verdi
22 Mart 2017 Türkiyədə qarnizon komandiri həbs edildi
21 Mart 2017 ABŞ-dan NATO qərarı - 14 ildən sonra ilk dəfə...
21 Mart 2017 Türkiyədə millət vəkili saxlanıldı
21 Mart 2017 Rusiyada Türkiyəyə arxadan zərbə
21 Mart 2017 Katolik lider 800 min nəfərin ölümünə görə üzr istədi
20 Mart 2017 İraqda törədilən teraktda çox sayda insan öldü
20 Mart 2017 Milyarder Devid Rokfeller öldü
20 Mart 2017 Sərnişin təyyarəsi qəzaya uğradı - 44 nəfər öldü - FOTO
20 Mart 2017 Dəməşqdə atışma zamanı Rusiya səfirliyinin binasına ziyan dəyib
20 Mart 2017 Tramp Merkelin əlini niyə sıxmadı? - Ağ Evdən açıqlama
20 Mart 2017 İsrail Suriyaya dalbadal zərbələr endirir